Нұр-Сұлтанда үш адамды пышақтаған қылмыскер ұсталды
Нұр-Сұлтан қаласында ер адам бірден үш тұрғынды пышақтап кеткен, деп хабарлады Tengrinews.kz қалалық полиция департаментінің баспасөз қызметіне сілтеме жасап.
Алматы, NEGE. Полиция мәліметінше, ішімдік ішкен ер адамға досының ұлымен сөйлескені ұнамаған. Салдарынан досымен сөзге келіп, оған үш рет пышақ салған. Пәтерден шыққан бетте ол көршісімен соқтығысып, қылмыс орнынан тезірек жасырынғысы келіп көршісіне де пышақ салған. Артынша оның әйелін де пышақпен жарақаттаған.
«Полиция қызметкерлері ауыр қылмыс жасаған күдіктіге қылмыс орнынан жасырынуға жол бермей, оны 15 минут ішінде ұстады. Осы дерек бойынша сотқа дейінгі тергеу шаралары жүргізіліп жатыр. Ұсталған ер адамның ҚР Қылмыстық кодексінің 103-бабы («Денсаулыққа қасақана ауыр зиян келтіру») бойынша бұрын сотталғаны анықталды», - делінген хабарламада.
Ведомство мәліметінше, күдікті тергеу изоляторына қамалды.
Қазір оқып жатыр
«Жасанды тыныс алу аппараты болмаған»: Қарағандыда бүлдіршіннің өліміне қатысты тексеріс жүргізіледі
Алматының Әл-Фараби даңғылында жарыс ұйымдастырған жүргізушілер жауапқа тартылды
Астанада Умраға жоқ жолдаманы сатып, 17 қажыны алдаған алаяқ сотталды
Астанадағы өрт салдарынан қаза тапқан 3 баланың анасы есін жиды
