Нұр-Сұлтанда пандемия кезінде кәсіпкерлік нысанның 40% жабылған
Елордада коронавирус пандемиясы кезінде кәсіпкерлік нысанның шамамен 40% жұмысын тоқтатуға мәжбүр болды. Бұл туралы қалалық кәсіпкерлер палатасы жанындағы өңірлік кеңесінің басшысы Болат Омаров айтты, деп хабарлайды inbusiness.kz.
Астана, NEGE. "Пандемия кезеңінде экономикалық көрсеткіштер шамамен 30-40% төмендеді. Бұл 2019-2021 жылдар аралығы. Осы 2 жылда қызмет көрсету, тамақтану, балаларды тәрбиелеу сынды салалар қатаң бақылауда болды. Әрине, бұл олардың жұмысына салдарын тигізді", - деді Болат Омаров Нұр-Сұлтан қаласы кәсіпкерлер палатасы өңірлік кеңесінің бизнес-қоғамдастық алдындағы есептік кездесуінің кулуарында.
Ол бүгінде барлығы біртіндеп, қалпына келіп жатқанын атап өтті.
"Кәсіпкерлердің жұмыс істеуіне рұқсат берілді, коронавирус жұқтыру дерегі азайды. Сондықтан саладағы жағдай жақсарады деген үміттемін", - деді басшы.