Нұр-Сұлтанда қанша маска қалды?
Нұр-Сұлтан қаласының тауарлар мен қызметтердің сапасы мен қауіпсіздігін бақылау департаментінің басшысы Зекен Исаков елордада медициналық маскаларды қайдан алуға болатынын айтып берді.
Алматы, NEGE. Осыған дейін мамандар маска жетіспеушілігін болдырмаймыз деп келгені белгілі. Коронавирус елімізде тіркелгеннен кейін адамдар жаппай сатып алып жатыр. Маска бағасының қымбаттамайтыны да көп айтылды. Осыған дейін 15-20 теңгеге саудаланған медициналық маска қазір, Алматы орталық дәріханасында 150 теңгеге сатылып жатқанға ұқсайды. Зекен Исаков сатылымда елордада қанша маска қалғанын айтыпты. Ал, Қазақстанда қанша қалды екен?
«Қазіргі уақытта қала бойынша қалған маскалар саны – 13 626. Бұл маскалар «Биосфера» дәріханалар желісінде сатылып жатыр. Кеше ғана «Фармация» ӘК желісі бойынша 88 мың маска келіп түскенін айтқанмын. Маска мәселесі бар. Бұл түйткіл шешіліп жатыр», – деді ол ОКҚ-да өткен баспасөз мәслихатында.