Нұрсұлтан Назарбаев дипломатиялық форумға қатысу үшін Анталияға ұшып келді
Елбасы Нұрсұлтан Назарбаев Түркияның Анталия қаласына ұшып келді. Бұл жайында Тұңғыш Президенттің баспасөз хатшысы Айдос Үкібай мәлім етті.
Астана, NEGE. «Нұрсұлтан Назарбаев Түркия президенті Режеп Тайып Ердоғанның шақыртуымен дипломатиялық форумға қатысу үшін Анталияға ұшып келді» деп жазды Айдос Үкібай Twitter парақшасында.
Оның айтуынша, Анталия дипломатия форумы - ғаламдық және аймақтық өзекті мәселелер бойынша пікір алмасатын дискуссиялық алаң. Биылғы форум «Дипломатияны қайта кодтау» тақырыбында өтеді.
