Нұр-Сұлтан қаласы әкімдігінің мердігерлері бюджет қаражатын жымқырған

Нұр-Сұлтан, NEGE. Фактіні қаржы мониторингі агенттігі анықтады.

"Тергеу барысында қала әкімдігі тауар-материалдарды жоғары бағамен сатып алғаны анықталды. Мемлекетке келтірілген залал сомасы 1 млрд теңгеден асады", - деді агентікте.

Ведомствоның мәліметінше, бұл қаражатқа 300 орындық балабақша салуға немесе медициналық мекемелер үшін сапалы жабдықтар сатып алуға болады.

"Қазіргі уақытта ҚР ҚК 189-бабы 4-бөлігі 2-тармағы (аса ірі мөлшерде сеніп тапсырылған бөтен мүлікті иемдену немесе ысырап ету) бойынша сотқа дейінгі тергеу жүргізілуде", - деп мәлімдеді қаржы мониторингі агенттігінде.

Өзге мәліметтер тергеу мүддесі үшін жария етілмеді.