«Нұр-Сұлтан қалалық сотының төрағасы коронавирус жұқтырған»
Nege.kz порталына хабарласқан сенімді ақпарат көзінің мәлімдеуінше, Нұр-Сұлтан қалалық сотының төрағасы Тілектес Бәрпібаев коронавирус жұқтырған.
Нұр-Сұлтан, NEGE. Қалалық сот төрағасы Тілектес Ешейұлының өзі қазір Германияда емделіп жатыр. «Сот төрағасы вирусты отбасымен Германияға демалуға барған кезінде жұқтырып алған болуы мүмкін» дейді ақпарат көзі.
Тілектес Ешейұлы Бәрпібаев 1960 жылы Алматы облысының Жамбыл ауданында, Қастек ауылында туған. Әр жылдары аудандық, облыстық соттарды басқарды. Нұр-Сұлтан қалалық сотының төрағасы болып тағайындалғанға дейін Алматы облыстық сотын басқарған.
