Нұр-Сұлтан қайта карантинге жабыла ма?
ҚР Денсаулық сақтау министрлігі Тауарлар мен қызметтердің сапасын және қауіпсіздігін бақылау комитеті WhatsApp арқылы тараған, Нұр-Сұлтан қаласының 15 қазаннан бастап карантинге жабылатыны туралы аудиохабарламаға түсінік берді.
Алматы, NEGE. Бұл ақпарат шындыққа сәйкес келмейді, бүгінгі күндері Нұр-Сұлтан қаласын биылғы жылдың 15 қазанынан бастап жабу және қаланың периметрі бойынша бақылау-өткізу бекеттерін орнату мәселесі қарастырылып жатқан жоқ, делінген министрліктің хабарламасында.
"Құрметті азаматтар! Сіздерден әлеуметтік желі арқылы тараған жаңсақ ақпаратқа сеніп қалмауларыңызды және Тауарлар мен қызметтердің сапасын және қауіпсіздігін бақылау комитетінің ресми сайты мен Facebook-тегі аккаунты, сондай-ақ коронавирустың таралуын болдырмау жөнінжегі ВАК-тың Telegram каналы (t.me/kkkbtu) сынды тек ресми ақпарат көздеріндегі мәліметтен қанық болударыңызды сұраймыз".
