Нұрсұлтан Назарбаев та референдумда дауыс берді
84 жастағы Назарбаев елордадағы «Астана опера» театрында ашылған референдум учаскесіне келді.
Алматы, NEGE. Қазақстанның бұрынғы президенті Нұрсұлтан Назарбаев АЭС құрылысы жөніндегі республикалық референдумда дауыс берді.
84 жастағы Назарбаев елордадағы «Астана опера» театрында ашылған референдум учаскесінде бой көрсетті.
Бұрынғы президент бюллетенді жәшікке салып болған соң, журналистермен амандасып, қазақстандықтарға бақыт тіледі.
«Табысты болыңдар, бақытты болыңдар», – деген ол журналистердің сұрақтарына жауап бермеді.
