Нұрсұлтан Назарбаев бел омыртқасына ота жасатқан
Қазақстанның бұрынғы президенті Нұрсұлтан Назарбаев Құрылтай депутаттарын сайлауда үйінде дауыс берді.
Астана, NEGE. Бұл жөнінде Назарбаевтың баспасөз қызметі хабарлады.
«Жақында бел омыртқасына жасалған отадан кейінгі денсаулық жағдайына байланысты Тұңғыш президент өз дауыс беру құқығын үйде іске асырды», – делінген ресми хабарламада.
Еске салсақ, бүгін, 23 тамыз күні Қазақстанда бір палаталы Құрылтай депутаттарын сайлау өтіп жатыр. Сайлауға елде ресми тіркелген жеті партия – «Ақ жол», «Ауыл», «Әділет», «Байтақ», ЖСДП, «Республика», «Қазақстан халық партиясы» қатысуда. Сайлауда 12 731 847 Қазақстан азаматы дауыс бере алады, барлығы 10,4 мың сайлау учаскесі ұйымдастырылды.