Нұрлыбек Нәлібаев Қызылорда қаласы әкімі қызметінен кетті
Нұрлыбек Нәлібаев Қызылорда қаласы әкімі қызметінен кетті. Ол ҚР Премьер-Министрі Кеңсесінің Өңірлік даму бөлімінің меңгерушісі болып тағайындалды.
Қызылорда, NEGE. Нұрлыбек Нәлібаев 1976 жылы Қызылорда облысында туған. Қазақ мемлекеттік аграрлық университетін, Қазақ гуманитарлық заң университетін бітірген. РФ Президенті жанындағы Ресей Халық шаруашылығы және мемлекеттік қызмет академиясының 3 курс докторанты.
Бұған дейін Nege.kz порталында Қызылорда қаласының әкімі Нұрлыбек Нәлібаев турыла материал жарияланып, қоғамда және жоғарғы билікте резонанс тудырған.
- Тақырыпқа орай: Нұрлыбек Нәлібаев «Қызылорда халық республикасының» әміршісі ме?
Еңбек жолын 1997-1998 жылдары аралығында «Казахойл-коммерция» ЖШС мұнай және мұнай өндірісі сарапшысы болып бастаған.
1998-2005 жылдары жеке коммерциялық құрылымдарда басшылық қызметтер атқарған.
2007-2008 жылдары Қызылорда облысы әкімі аппаратының басшысы.
2008-2013 жылдары Қызылорда облысы, Шиелі ауданының әкімі.
2013-2021 жылдары Қызылорда облысы, Қызылорда қаласының әкімі.
Сегіз жыл табан аудармастан Қызылорда қаласын басқарған Н.Нәлібаев 2021 жылғы 1 сәуірден бастап Қазақстан Республикасы Премьер-Министрі Кеңсесінің Өңірлік даму бөлімінің меңгерушісі болып тағайындалды.
