Нұрлан Мәсімов сот залынан Тоқаевқа үндеу жасады
Павлодар облысы ішкі істер департаментінің бұрынғы басшысы Нурлан Мәсімов қылмыстық іс материалдарынан оның кінәсіздігін дәлелдейтін маңызды деректер алынып тасталғанын айтты.
Алматы, NEGE. Сол себепті ол сот залынан Қазақстан Президентіне үндеу жасады.
«Олар жауап алу хаттамасын заттай дәлелдемеден алып тастады. Құрметті Президент мырза, Конституцияның кепілі ретінде осыған назар аударуыңызды сұраймын. Мен ешқашан саяси ойындарға қатысқан емеспін. Қазір бұл жерде толық саяси сипат көрініс тауып жатыр», - деді Мәсімов.
Дәл сол құжаттың негізінде Мәсімовке қатысты пара бойынша қылмыстық іс қозғалған болатын. Бірақ оны сотқа дейінгі тергеулер тізіміне қосқан жоқ.