Нұрлан Ермекбаев отставкаға кетуге шешім қабылдады
Қазақстан қорғаныс министрі Нұрлан Ермекбаев Азаттыққа отставкаға кетуді ұйғарғанын айтты, деп хабарлайды Азаттық Радиосы.
Алматы, NEGE. Н.Ермекбаев бұл шешімін Азаттыққа Жамбыл облысы Байзақ ауданындағы әскери бөлімдегі жарылыстан 4 әскери қаза тауып, ондаған адам жараланғанын, бірнеше кісінің хабар-ошарсыз кеткенін хабарлаған баспасөз мәслихатынан кейін мәлімдеді.
«Қазіргі ең басты мақсатым – апаттың салдарын жою. Егер сізді отставка мәселесі қызықтыратын болса, бұл хабарды естіген бірінші минутта-ақ өзім үшін шешім қабылдадым. Мен отставкаға өтініш беремін, отставканы сұраймын. Қалғанын жоғарғы басшылық шешеді», – деді Н.Ермекбаев.
