Нұрлан Әлімжанов Нұр-Сұлтан әкімдігінен жұмыс сұрап жүр
«Нұр-Сұлтан қаласының Мәдениет басқармасы» ММ басшысы лауазымына актер Нұрлан Әлімжан тағайындалуы мүмкін. Бүгін Нұр-Сұлтан қаласы әкімдігінің ресми сайты үміткерлердің әңгімелесу өткізу кестесін жариялады.
Нұр-Сұлтан, NEGE. Актер, әнші, композитор Нұрлан Әлімжанов ШҚО-ның Бородулиха ауданында туған. Әкесі Баянғали Әлімжанов та, өзі де Қазақстанның еңбек сіңірген қайраткері.
2019 жылы Мәжіліс депутаты болып сайланған Н.Әлімжанов саясатқа білек сыбанып кіріскендей. Біршама уақыттан бері бос тұрған Нұр-Сұлтан қаласының Мәдениет басқармасына басшылық ету үшін өтініш білдіріпті. Одан өзге тағы екі үміткер бар. Үміткерлермен қала әкімдігі 11 наурыз күні әңгімелеседі. Елбасы Н.Назарбаевтың рөлін сомдап өнерде бағы жанған Әлімжанов енді бағын мемлекеттік қызметте сынап көруге бел шешкендей. 
