Нұрлан Смағұлов пен Айдын Рахымбаев әлемдік Forbes тізіміне енді
Америкалық Forbes басылымының жаңартылған әлемдік миллиардерлер тізіміне алғаш рет Нұрлан Смағұлов пен Айдын Рахымбаев енді.
Астана, NEGE. Басылым дерегінше, Astana Group компаниясының негізін қалаушы Нұрлан Смағұловтың байлығы 1,3 миллиард доллар деп бағаланған, бұл оған әлемдік тізімде 2858-орынды иеленуге мүмкіндік берген.
Ал BI Group құрылыс холдингінің мажоритарлық акционері Айдын Рахымбаев 1,1 миллиард доллар капиталмен тізімде 3185-орынға ие болды.
Forbes басылымының нұсқасы бойынша, әлемдегі ең бай миллиардерлер тізімін екінші жыл қатарынан Tesla және SpaceX иесі Илон Маск бастап тұр. Оның таза байлығы 839 миллиард долларға бағаланады, бұл өткен жылғыдан 2,5 еседей жоғары. Екінші және үшінші орындарға Google-дің негізін қалаушы Ларри Пейдж пен оның серіктесі Сергей Брин жайғасқан.
