Нұрлан имам: Сәресіде кешігіп ауыз бекіту қауіпті
Дінтанушы, Астана қаласындағы Ырыскелді қажы атындағы мешіттің имамы Нұрлан Байжігітұлы Jibek Joly телеарнасындағы «Ораза қабыл болсын» бағдарламасында көрермендердің оразаға қатысты сұрағына жауап берді, деп жазады Ulysmedia.kz.
Алматы, NEGE. Тікелей эфирге хабарласқан көрермен «Ораза кезінде ауыз бекітер кезде кейде 5-10 минут кешігіп ауыз бекітемін. Тамақ жеп-жеп алайын деп. Осылай кешігіп бекітемін, бола ма?» деді.
«Қазақстан Мұсылмандары діни басқармасы күннің шығатын уақыты мен ауыз бекітетін сәресінің, ауыз ашатын ақшам уақытын жіті зерделеп, бекітеді. Сондықтан сіз ауыз бекітер кезде он минут кешіккеніңіз өте қауіпті. Тіпті, бұл оразаның дұрыс болмауына әкеп соғады. Сондықтан он минут кешігіп жегенше, он минут ерте тұра салыңыз. Ұялы телефоныңыздағы оятқышты 10-20 минут ерте қойыңыз», - деді имам.