Спорт
Үш отандасымыз бокстан Азия чемпионы атанды
Моңғолия астанасы Ұланбатырда өтіп жатқан ересектер арасындағы Азия чемпионатының финалдық бәсекесінде боксшылар Нұрбек Оралбай, Сабыржан Аққалықов және Оразбек Асылқұлов Қазақстан қоржынына алтын медаль салды.
Астана, NEGE. Қазақстан бокс федерациясының мәлімдеуінше, Париж Олимпиадасының күміс жүлдегері, 85 келідегі Нұрбек Оралбай финалда Өзбекстан спортшысы Жасурбек Юлдошевпен кездесті. Нұрбек 3-раундта да рингте еркін қимылдап, төрешілердің бірауыз шешімімен жеңіске жетті.
Ал 75 келідегі Сабыржан Аққалықов ақтық сында Өзбекстан спортшысы Жавохир Абдурахимовпен жұдырықтасты. Алғашқы минуттан-ақ техникалық шеберлігі басым болған жерлесіміз 5:0 есебімен басым түсті.
60 келіде қазақстандық Оразбек Асылқұлов топ жарды. Ол финалда Үндістан өкілі Сачин Сачинмен кездесіп, қарсыласын 3:2 есебімен ұтты.
Тағы бір отандасымыз Төрехан Сабырхан Азия чемпионатының күміс жүлдегері атанды.
70 келідегі Төрехан Сабырхан шешуші сайыста Иорданияның боксшысы Зейад Ишаишпен кездесті. Бұл кездесуде Зейад Ишаиш 5:0 есебімен жеңімпаз атанды.