Nur Otan: Жыл сайын 500 адам кәсіпкерлік негіздерін оқитын болады
Қазақстан Республикасы Парламенті Мәжілісінің депутаттығына кандидат Еділ Жаңбыршин Бейнеу ауданындағы Берекелі базарының жұмысшыларымен кездесті.
«Біз 23 желтоқсанда Бейнеу ауылындағы базарда жиналыс өткізіп,«Nur Otan»партиясының сайлауалды бағдарламасын түсіндірдік. Кездесу қызықты өтті», - деді Еділ Жаңбыршин.
Кездесу барысында Еділ Терекбайұлы кәсіпкерлерге партия бағдарламасын таныстырып, бизнесті дамытудың басымдығы мен салық жеңілдіктері туралы баяндады.
Жеке кәсіпкерлер коронавирустық пандемияның бизнеске кері әсер еткенін және кірістерінің айтарлықтай төмендегенін хабарлады.
Кандидат Еділ Терекбайұлы әлемдік коронавирустық пандемияның еңбек нарығын өзгерткенін, тұтастай алғанда елдегі экономикалық жағдайға теріс әсер еткенін, сондықтан мемлекет 2020 жылы дағдарысқа қарсы шаралар әзірлегенін атап өтті.
Nur Otan партиясының сайлауалды бағдарламасына сәйкес, аймақтағы белсенділікті қалпына келтіруге, жұмыс орындарын сақтау және жаңа жұмыс орындарын ашу арқылы халықты жұмыспен қамтуды арттыруға көмектеседі.
Мемлекеттік қолдау құралдарын пайдалана отырып, шағын және орта бизнестің (ШОБ) жаңа кәсіпорындары құрылатын болады. 2025 жылға дейін партия мемлекеттік бағдарлама шеңберінде кәсіпкерлерге жыл сайын қолдау көрсетуге тырысады: «Еңбек» - кемінде 300 жоба, «Бизнестің жол картасы - 2025» - кемінде 300 жоба және «Қарапайым заттар экономикасы» - кемінде 30 жоба ұсынады. Өз кәсібін бастау үшін «Бастау бизнес» жобасы аясында жыл сайын кемінде 500 адам кәсіпкерлік негіздеріне оқытылатын болады. Жаңаөзен қаласының индустриалды аймағы шеңберінде кем дегенде 20 жаңа бизнес-жобаны жүзеге асыру жоспарлануда.
Бұл шаралар 2025 жылға қарай жұмыс істеп тұрған ШОБ санын 55 мыңға дейін, ал ШОБ-та жұмыс істейтіндердің санын 130 мың адамға дейін арттыруға мүмкіндік береді.
«Nur Otan» партиясының Маңғыстау облыстық филиалы сайлау қорының қаражатынан төленді.
