Никол Пашинян тамызда Армения үкіметі отставкаға кететінін мәлімдеді
Арменияның қазіргі үкіметі жаңа шақырылымдағы Ұлттық жиналыстың құрылуына байланысты 2 тамызда отставкаға кетеді.
Астана, NEGE. Бұл жөнінде Арменияның премьер-министрі Никол Пашинян мәлімдеді.
«Жексенбі күні біз өкілеттігімізді тоқтатамыз. Бүгінгі құрамдағы үкіметтің соңғы отырысын өткізіп отырмыз», – деді Пашинян үкімет отырысында.
Оның айтуынша, үкімет отставкаға кеткеннен кейін Армения президенті парламенттік көпшілік ұсынған кандидатты премьер-министр етіп тағайындайды. Никол Пашинянның үкімет басшысы лауазымында қалады деп болжанып отыр.
Арменияда 7 маусымда парламент сайлауы өтті. Дауыс беру қорытындысы бойынша премьер-министр Никол Пашинянның «Азаматтық келісім» партиясы 49,74% дауыс жинап, үкіметті өз бетінше құру құқығын сақтап қалды. Екінші орынға «Күшті Армения» партиясы (23,27%), үшінші орынға «Армения» альянсы (9,92%) жайғасты.