Нигериялық жігітке тұрмысқа шыққан арудың сыңсуы елді жылатты (видео)
10 қазан күні нигериялық азаматқа тұрмысқа шыққан Құлсары тұрғыны Заида Жаңабаеваның ұзату тойы желіде талқыға түскен болатын. Көп ұзамай Заида ұзату тойындағы сыңсу әнін жария етті.
Алматы, NEGE. Заида «Теңіз Шевройл» компаниясында аудармашы болып қызмет етеді. Жақында 30 жасқа толған ол өз бақытын тауып, Нигерия азаматымен шаңырақ көтерген болатын. БАҚ жазуынша, Заиданың күйеуі Атырауда ағылшын тілінен сабақ береді.
Заиданың ұзатуда айтқан сыңсуы желіде жарияланды. Роза Әлқожа жазған бұл әннің негізгі орындаушысы – талантты дәстүрлі әнші Айбала Өсиетқызы.
Айбала да жақында Атырауға ұзатылып, сол әнді өз тойында орындаған болатын. Көпшілік жылы қабылдаған сыңсу әнді Заида да орындады. Тойға жиналған қауым көзіне жас алып, ата-анасының көңілі босаған.
