New York Times Алматыны 2024 жылғы ең үздік туристік бағыттар тізіміне енгізді
![New York Times](/static/img/plug.jpg)
The New York Times жаңа жылда көруге болатын әлемдегі 52 орынның дәстүрлі тізімін жариялады.
Алматы, NEGE. Танымал басылымның нұсқасы бойынша Алматы тізімде 25 орында тұр. Редакция жазғандай:
«Алматы екі миллион халқы бар Қазақстанның ең ірі қаласы, сонымен қатар бейбіт, белсенді шахар. Алматының мәдени орталық ретіндегі мәртебесі оның гастрономиялық өмірінде айқын көрінеді. Ұн, су және етке негізделген «нео-номадтар» асханасы гипер-заманауи стильде ұсынылған; оны AUYL немесе TÖR мейрамханаларынан табуға болады. Lanzhou Noodle мейрамханасы қытай тағамдарын, ал Sensilyo Coffee немесе JumpinGoat кафелері – керемет кофе ұсынады. Көк базардағы жемістер мен жаңғақтардан дәм татыңыз, содан кейін жақында кеңестік дәуірі ғимаратында ашылған үлкен азық-түлік базарында PlatformA-ға барыңыз».
«Қазақстан соңғы жылдары әлемдік БАҚ рейтингіне жиі ілігіп келеді және New York Times тізіміне ену туристердің біздің елімізге деген қызығушылығының артып келе жатқанын анық білдіреді», - ҚР Туризм және спорт вице-министрі Ержан Еркінбаев.
Алматы – бұл рейтингке енген аймақтағы жалғыз қала. Бұған дейін 2017 жылы Қазақстан ЭКСПО-2017 көрмесі қарсаңында осы тізімге енгізілген болатын.