Неміс НЕГЕ жылады?
Германияға көшіп кеткен неміс ағайынның қазаққа деген сағынышы.
Алматы, NEGE. «Нұр-Қазақстан» қажылық компаниясының басшысы Амангелді Әбдіхалық дәл қазір әлемнің 7 мемлекетін шарлайтын туристік саяхатта жүр. Тайландтың Пхукет аралына жеткен жерде, туристік лайнерде 16 желтоқсан күні Қазақстан Республикасының Тәуелсіздік күнімен құттықтап германиялық туристер Амангелді Әбдіхалыққа сәлем бере келіпті.
Бейнежазбада қазақ жерінен кеткен неміс ағайындардың аталарынан, әкелерінен естіген әңгімесі, қалған өсиеті жан тебірентерлік күйде сипатталады.
Қазақ елі туралы сөйлеп отырған азамат – Александр Керт деген неміс. Тәуелсіздік алғаннан кейін, тарихи отанына қоныс аударған замандасымыз. Қазір Германияда тұрады. YouTube желісінде Қазақстан туралы әндері бар. Барша қазақстандықтарды тарихи мерекесімен құттықтап, үлкен сәлем жолдаған екен.
