Дүние
Неге коронавирус жұқтырған отбасы мүшелері ауруды жиі таратады?
Ғалымдар коронавирус жұқтырған отбасы мүшелері ауруды жиі тарататынын айтты. Зерттеу Science журналында жарияланды.
Алматы, NEGE. Қытай мамандары COVID-19 вирусының қандай жолмен жиі тарайтынын анықтамақ болған. Осы мақсатта ғалымдар Хунан провинциясындағы 1178 науқас пен олармен байланыста болған 15 648 адамның мәліметіне талдау жүргізген. Нәтижесінде мамандар коронавирус жұқтыру қаупі адамдар бір-бірімен байланыста болғанда артатынын анықтаған.
Сонымен қатар, адамдар инфекцияны медициналық мекемелерде, қоғамдық көліктер мен тамақтану орындарында жұқтырғаны белгілі болды.
Мамандар вирустың таралу қаупі туыстармен байланыста болғанда, отбасымен бірге тұрғанда едәуір өскенін байқаған.
Ғалымдар үйде COVID-19 вирусын жұқтырған науқас болғанда, инфекция жұқтыру қаупі күн сайын 10 пайызға артады деген қорытынды жасаған.