НЕГЕ біз...
Алла мына 18 мың ғаламды неге жаратты? Неге бізді ұлт пен ұлысқа бөлді? Неге сол ұлыста отырып өзгеге есе жібердік? Неге зұлмат жылдар ұзында өшіміз, қысқада кегіміз кетті? Неге отыз жылда дүниеміз тістегеннің аузына, ұстағанның қолына өтті? Неге.. неге... неге?!
Біздің қоғамның көкейін тескен ең басты сұрақ осы болып тұр. Соның жауабын еліммен бірге іздейін, тапсам қуантайын, таппасам ақиқатын айтып жұбатайын деп жүрген сайттардың бірі әрі бірегейі NEGE 5 жасқа толып отыр. Порталды құрған сәтте азаматтардың қалай толғанғаны, ойланғаны есімде. Талай сұрақ сүзгіден өткен.
Ақыры әзірге сауалдардың ең маңыздысы «неге?» болып тұр дегенге тоқталды. Неге біз... деген тағандық философиядан, дәрменсіз күйден құтылмағанымызды меңзегендері.
Содан бері ел жоғын түгендеп келеді. Портал алға баса берсін, азаматтар! Негеден өтіп, қалай алға басатынымызды, қайтіп ірге бекітетінімізді дөп көрсететін бағыт сілтер биікке жете беріңіздер!
Серік ӘБІКЕНҰЛЫ, журналист.
Қазір оқып жатыр
Астанада мас күйде көлік жүргізген Бас прокуратура қызметкері қамауға алынбаған
Шағын және орта бизнесті қолдау көлемі 3 трлн теңгеге дейін ұлғаяды
Алматы тарихи көркінен айырылады: Заңгер қаланы жаңғырту жұмыстарын сынға алды
Арқалықта полицейлер қай көлікті тоқтатпау керегін арнайы чаттан біліп отырған
