NEF Qazaqstan басшысына іздеу жарияланды
Алматы қаласы Бостандық ауданының полициясы NEF Qazaqstan компаниясының басқарушы серіктесі Тарык Волкан Оскайға іздеу жариялады.
Алматы, NEGE. Ол жайлы ақпарат Құқықтық статистика және арнайы есепке алу органдарының порталында жарияланған.
«Қылмыстық іс бойынша азамат О. сырттай күдікті ретінде танылды. Кейіннен сот оған қатысты «қамауда ұстау» түріндегі бұлтартпау шарасын сырттай санкциялады. Қазірг күдіктінің тұрған жерін анықтауға және оны ұстауға бағытталған жедел-іздестіру шаралары жүргізіліп жатыр, – делінген хабарламада.
NEF Qazaqstan компаниясы Түркиялық NEF құрылыс холдингінің құрамына кіреді.
2023 жылдың күзінде NEF Qazaqstan компаниясы Astana International Exchange (AIX) алаңында дефортқа ұшыраған. Компания 4 млрд теңге көлеміндегі негізгі қарыз бен 402 млн теңгеден астам купондық төлемді өтей алмаған.
Сондай-ақ Тарык Оскай қазақстандық кәсіпкер Қайрат Боранбаевпен бірге Comfort Hotel Astana қонақүйінің иесі болған. Қаңтар оқиғаларынан кейін бұл нысан мемлекет меншігіне өтті.
