Назарбаевтың бұрынғы «резиденциясы» сатылады
Нұрсұлтан Назарбаевтың бұрынғы «резиденциясы» мен бұрынғы әкім Даниал Ахметовтың үйі аукционға қойылды.
Алматы, NEGE. «Екі қабатты профилактория ғимараты, жалпы ауданы 3179,9 ш.м; бастапқы бағасы – 1 115 893 000 теңге», - делінген электронды аукционның сайтында.
Ғимарат Өскемен қаласында Үлбі өзенінің бойында орналасқан. Әкімдік бұл ғимаратты сол жағалаудағы профилактория деп атайды.
Фото: e-auction.gosreestr.kz
Ол жерде кезінде бұрынғы президент Нұрсұлтан Назарбаев демалатын болған, кейін Шығыс Қазақстан облысының бұрынғы әкімі Даниал Ахметов тұрған.
Фото: e-auction.gosreestr.kz
Бұрынғы «резиденцияны» мейрамханасы, бассейні, спорт алаңдары, конференц-залдары, қонақ үйі мен сауда павильондары бар туристік орталыққа айналдыру көзделген.
Фото: e-auction.gosreestr.kz
Аукцион 3 шілдеде 1 115 893 000 теңге бағамен басталады.