Назарбаев Маминді қабылдады
Қазақстанның Тұңғыш Президенті Нұрсұлтан Назарбаев премьер-министр Асқар Маминді қабылдады, - деп хабарлайды Elbasy.kz.
Алматы, NEGE. Кездесу барысында Елбасына 2020 жылы әлеуметтік-экономикалық және санитарлық-эпидемиологиялық жағдайды тұрақтандыру бойынша қабылданған шаралардың нәтижелері туралы айтылды. Қазақстанның Тұңғыш Президенті Үкіметтің жұмысы 2020 жылы коронавирус пандемиясына байланысты күрделі жағдайда өткенін атап өтті. "Елбасы ұлттық экономиканың тұрақтылығын сақтау және стратегиялық даму бағдарламаларын іске асыру бойынша үкіметтің уақтылы қабылдаған шараларын көрсете отырып, негізгі макроэкономикалық көрсеткіштердің өсуін атап өтті. Премьер-министрдің мәліметінше, негізгі капиталға салынған инвестициялар 17 пайыз, жұмыссыздық 5 пайыз болды. Бұл ретте жеңіл өнеркәсіпте 16 пайызға, фармацевтикада 40 пайызға, машина жасауда 16 пайызға, құрылыста 12,5 пайызға және басқа салаларда өсім байқалды", - делінген хабарламада.