НАЗАРБАЕВ «Елбасы» мәртебесінен түбегейлі айырылды
Бүгін Парламенттің бірлескен отырысында депутаттар Қазақстанның Тұңғыш Президенті – Елбасы туралы ҚР конституциялық заңының күшін жоюды қолдады. Бұл туралы NEGE тілшісі Парламенттен хабарлады.
Астана, NEGE. Осылайша көптен бері сөз болып келе жатқан Қазақстанның Тұңғыш Президенті – Елбасы туралы ҚР конституциялық заңының күші жойылды деп тану туралы ҚР конституциялық заңының жобасы мақұлданды. Парламент палаталарының бірлескен отырысында депутаттар баяндама жасап, заң жобасын талқылады.
Сенаттан қатысып отырған 44 депутаттың барлығы жақтап дауыс берді. Мәжілістен қатысып отырған 93 депутат та осы заң жобасын мақұлдады.
Енді экс-президент Н.Назарбаев пен оның отбасы барлық ерекше мәртебесінен айырылды. Дегенмен де экс-президенттер туралы заң бойынша бұрынғы президенттерге қолданылатын артықшылықтар Назарбаевқа да қолданылады.
Қазір оқып жатыр
Түркістан облысында тұрғындар Қызыл кітапқа енген қызғалдақты көлікпен таптаған
Туризм министрлігі АҚШ-тан арнайы шақырған қонағын қарсы алуды ұмытып кеткен
Ұлытауда төрт баланың анасы азаматтық некедегі күйеуінің қолынан қаза тапты
«Әр баладан 200 мың теңгеден жинап жатыр»: алматылық ана Президентке шағымданды
