Назарбаев Байбекке тапсырма берді
Елбасы Нұрсұлтан Назарбаев Nur Otan партиясы төрағасының бірінші орынбасары Бауыржан Байбекпен кездесті. Мұны
Elbasy.kz сайты хабарлады.
Нұр-Сұлтан, NEGE. Байбек Тұңғыш президентке атқарылып жатқан шаруалар және халықпен байланыс жайын баяндап, партияның кеңейтілген саяси кеңесін өткізу дайындығын айтты.
«Сіздің тапсырмаңызбен алыс аудандарға барып, халықпен кездестім» деген Б.Байбек өткен жылы партияға 213 мың адам хабарласқанын, бұл 2018 жылмен салыстырғанда 34 пайызға көп екенін жеткізді.
«Атырау мен Астраханның арасына жол салынып жатыр. Ақтөбе мен Атыраудың арасында да жол болады. Ірі автомагистралдарды салып біткен соң, облыс ішілік жолдарға назар аудару керек» деді Н.Назарбаев.
Кездесу соңында Партия төрағасы Н.Назарбаев орынбасарына бірқатар тапсырма берді.