Назарбаев Университетіне оқуға түсу талаптары өзгерді
Назарбаев Университеті оқуға қабылдау талаптарына өзгеріс енгізді.
Астана, NEGE. Ақылы негізде оқуға түсу талаптары жеңілдеді. Мәселен, университетте ақылы негізде оқимын деген талапкерлер ҰБТ нәтижелеріне қарай қабылданады.
Ақылы негізде университетке дейінгі дайындық бағдарламасына (Foundation) түсу үшін ағылшын тліндегі ҰБТ-ның ең төменгі нәтижесі – 75 балл немеcе GPA 3.5/5.0 болса жеткілікті. Сонымен бірге, математикалық сауаттылық пен оқу сауаттылығы 10-нан 7-ден кем болмауы керек. Бұл екі пән өте жоғары деңгейде бағаланады, өйткені бұл жоғарғы шек болып саналады.
• GPA: ең төменгі балл – 5,0-ден 3,5;
• IELTS: ең төменгі балл – 5,5;
• TOEFL iBT: ең төменгі балл – 46.
Foundation бағдарламасы мектеп бітірушілеріне бакалавр дәрежесіне түспес бұрын математика, академиялық ағылшын және басқа пәндер бойынша білімдерін жетілдіруге көмектеседі.
Назарбаев Университетінің бакалавриатына түсу үшін ең төменгі балл төмендегідей:
• ҰБТ (ағылшын тілінде): ең төменгі балл – 85, ал математикалық сауаттылық пен оқу сауаттылығы бойынша нәтижелер 10-нан кемінде 8 балл немесе GPA: ең төменгі балл – 5.0-ден 4.0.
• IELTS: ең төменгі балл – 6,0 немесе TOEFL iBT: ең төменгі балл – 60.
Айта кетейік, 2024 жылы Қазақстанда ҰБТ-ны ағылшын тілінде небәрі 84 адам тапсырған. НУ ең төменгі IELTS/TOEFL баллымен қабылданған студенттерге көмектесуге және олардың деңгейін көтеру үшін білім сапасын қолдауға бағытталған қосымша ағылшын тілінің академиялық курсын ұсынуды жоспарлап отыр.
Грантқа түсу тәртібі өзгеріссіз қалады. NUET, IELTS/TOEFL iBT тапсырып, басқа да қажетті құжаттарды ұсынасыз және гранттық конкурсқа қатысасыз.
Мемлекет беретін гранттардың саны бұрынғыдай.
НУ-да ақылы білім беруді енгізу университеттің қаржылық тұрақтылығына және мемлекеттік қаражаттан тәуелсіз болуға бағытталады.
Барлық мәліметтерді мына сілтеме арқылы біле аласыздар.
