Назарбаев пен Путин тағы да жүздесті
Ресей Федерациясының президенті Владимир Путин Қазақстанның бұрынғы президенті Нұрсұлтан Назарбаевты Кремльде қабылдады.
Астана, NEGE. Бұл туралы Кремльдің баспасөз қызметі хабарлады.
Кездесу барысында нақты қандай мәселелер талқыланғаны белгісіз. Хабарламада «Кремльде Владимир Путин мен Қазақстанның тұңғыш президенті Нұрсұлтан Назарбаевтың кездесуі өтті» деп қана көрсетілген.
Нұрсұлтан Назарбаев отставкаға кеткеннен кейін Владимир Путинмен тұрақты түрде жүздесіп келеді. Олардың бұған дейінгі кездесуі мамыр айында өткен. Сол кезде экс-президенттің баспасөз хатшысы Айдос Үкібай Назарбаевтың Мәскеуге сапары бейресми әрі жеке сипатта болғанын атап өткен еді.