Найзағай ойнап, жауын-шашын болады – Қазгидромет

Алматы, NEGE. Ұлытау облысының шығысында жаңбыр жауады. Оңтүстік-батыстан, батыстан жел соғады, күндіз облыстың солтүстігінде, шығысында екпіні секундына 16 метрге жетеді.

Қарағанды облысының батысында жауын-шашын (көбінесе жаңбыр) жауады. Түнде және таңертең облыстың шығысында, оңтүстігінде тұман түседі. Оңтүстік-батыстан, батыстан жел соғады, күндіз облыстың батысында, солтүстігінде, шығысында екпіні секундына 15-20 метр болады.

Ақмола облысының солтүстігінде жауын-шашын (жаңбыр, қар), күндіз облыстың солтүстігінде жаңбыр, найзағай ойнайды. Оңтүстік-батыстан, батыстан жел соғады, түнде облыстың солтүстігінде, шығысында екпіні 15-20 м/с, облыстың солтүстігінде, шығысында 23-28 м/с болады.

Солтүстік Қазақстан облысында солтүстігінде, шығысында жаңбыр жауады, күндіз найзағай ойнайды. Батыстан жел соғады, түнде екпіні 15-20 м/с, күндіз екпіні 23-28 м/с-ке дейін жетеді.

Ақтөбе облысында оңтүстік-батыстан жел соғады, күндіз облыстың солтүстігінде екпіні 15-18 м/с болады.

Түркістан облысының тау асуларында солтүстік-шығыстан жел соғады, күші - 15-20 м/с.

Павлодар облысының солтүстігінде, шығысында жаңбыр жауады, түнде облыстың батысында, солтүстігінде көктайғақ болады. Оңтүстік-батыстан жел соғады, түнде облыстың батысында, солтүстігінде екпіні 15-20 м/с, облыстың батысында, оңтүстігінде екпіні 25 м/с болады.

Астанада оңтүстік-батыстан, батыстан жел соғады, кей уақыттарда екпіні секундына 15-20 метрге жетеді.

Абай облысында жел оңтүстік-батыстан соғады, күндіз облыстың батысында, солтүстігінде, орталығында екпіні 15-20 м/с болады.

Алматы облысының шығысында, тау етегіндегі аудандарында 1-3 градус үсік болады.

Жетісу облысында солтүстік-шығыстан жел соғады, облыстың шығысында екпіні - 15-20 м/с.

Қостанай облысының шығысында, оңтүстігінде шаңды дауыл, оңтүстік-батыстан, батыстан жел соғады, күндіз екпіні секундына 15-20 метрге, облыстың солтүстігінде, шығысында кей уақыттарда 23 метрге жетеді.

Жамбыл облысының таулы аудандарында тұман түседі. Солтүстік-шығыстан жел соғады, облыстың оңтүстік-батысында, солтүстік-шығысында, таулы аудандарында екпіні секундына 15-20 метрге жетеді. Түнде облыстың оңтүстігінде топырақ бетінде 1 градус үсік сақталады.