Наурыз мейрамында теракт жасамақ болған тәжікстандықтар сотталды
Былтыр Наурыз мерекесінде халықты жаппай уламақ болған тәжікстандықтарға сот үкімі шықты, деп хабарлады Kazinform.
Алматы, NEGE. Тәжікстан Бас прокуратурасының Терроризм және экстремизмге қарсы күрес басқармасының басшысы Джуманазар Саидахмадзоданың айтуынша, кінәлілер 8 жылдан 20 жылға дейінгі мерзімге бас бостандығынан айырылды.
Аталған іс бойынша тағы 10 адам іздеуде.
— Сотталғандардың барлығы дерлік Тәжікстанның түрлі қаласы мен аудандарының тұрғындары. Олар Вахдат қаласында Наурыз мейрамын тойлау кезінде тамақты улап, террористік акт ұйымдастыруды жоспарлаған, - деді Джуманазар Саидахмадзода.
Айта кетейік, осы іс бойынша былтыр Тәжікстанда 20-дан астам адам ұсталған болатын. Бас прокуратураның мәліметінше, лаңкестік әрекет ұйымдастыруды жоспарлғандардың барлығы «Ислам мемлекеті» террористік ұйымының (Қазақстанда тыйым салынған — авт.) мүшелері болып шықты.
