Наурыз мерекесіне орай қазақстандықтар 5 күн қатарынан демалады
Наурыз айында қазақстандықтар Халықаралық әйелдер күні мен Наурыз мейрамын атап өтеді.
Астана, NEGE. Осы мерекелерге орай биыл наурызда төрт күн қосымша демалыс беріледі.
8 наурыз – Халықаралық әйелдер күні жексенбіге сәйкес келіп тұрғандықтан, демалыс дүйсенбі – 9 наурызға ауыстырылады. Осылайша қазақстандықтар бұл мерекеде 7, 8 және 9 наурыз күндері қатарынан демалады.
Ал Наурыз мейрамы елімізде 21-23 наурыз аралығында тойланады. Алайда бұл күндер демалысқа сәйкес келіп тұрғандықтан, сейсенбі, сәрсенбі күндері – 24,25 наурызда қосымша демалыс беріледі. Барлығын қоса есептегенде Ұлыстың ұлы күніне орай қазақстандықтар бес күн қатарынан демалады.
Сондай-ақ 2026 жылғы діни күндер кестесі бекітілді. Биыл Рамазан айы 19 ақпан күні басталады, ал Қадір түні 17 наурызға қараған түнге сәйкес келеді.
