Надыров қайда жұмыс істеп жүр?
Денсаулық сақтау министрлігінің өкілдері қызметінен босатылған Алматы қаласы қоғамдық денсаулық басқармасының басшысы Камалжан Надыровқа қатысты сұраққа жауап берді, деп хабарлайды Tengrinews.
Алматы, NEGE. Министрлік мәліметінше, Алматы әкімінің 2020 жылдың 19 қазанындағы қаулысына сәйкес, Камалжан Надыров берілген өтініш негізінде Алматы қаласының қоғамдық денсаулық басқармасының басшысы қызметінен босатылды.
"Министрліктегілерде Камалжан Надыровтың жұмыс орны туралы мәлімет жоқ", - делінген ведомствоның ресми сауалға берген жауабында.
Айта кетейік, Камалжан Надыров кеткеннен бері бір айдан аса уақыт өтті, бірақ әлі күнге дейін Алматы қаласы қоғамдық денсаулық сақтау басқармасының жаңа басшысы тағайындалмады.
"Алматы қаласы Қоғамдық денсаулық басқармасының мәліметінше, қазіргі уақытта басқарма басшысының бос лауазымына конкурс жүріп жатыр", - деді министрліктегілер.
