Мьянмда жер сілкінісінен қаза болғандардың саны 700-ге жуықтады
Мьянмадағы күшті жер сілкінісі салдарынан 694 адам қаза тауып, 1670 адам жарақат алды, деп хабарлады BBC агенттігі елдің әскери билігіне сілтеме жасап.
Алматы, NEGE. Көптеген афтер дүмпулерге қарамастан, құтқару жұмыстары түні бойы жалғасты. 28 наурыз, жұма күні Мьянмада магнитудасы 7,7 және 6,4 балдық жер сілкінісі болғанын бұған дейін АҚШ Геологиялық қызметі хабарлаған еді.
Жерасты дүмпулері Қытай мен Таиландта сезіліп, Бангкокта салынып жатқан зәулім ғимарат қирады. Мьянма билігі халықаралық қауымдастықты жер сілкінісінің салдарын жоюға көмектесуге шақырды. Қытай мен Ресей Мьянмаға құтқарушылар мен дәрігерлерді жіберіп үлгерді.
Еске сала кетейік, кеше Мьянмада 7,9 балдық жер сілкінісі тіркеліп, Президент Қасым-Жомарт Тоқаев Мьянма Премьер-министрі Мин Аун Хлайнға көңіл айту жеделхатын жолдаған болатын.
Қазір оқып жатыр
«Енді асыға оралатын үйім бар»: Баян Алагөзова Меруерт Өтекешоваға пәтер сыйлады
Құрылтай сайлауына Грузия, Иран, Швеция және Қырғызстаннан байқаушылар қатысады
ШҚО-да жүргізуші куәлігін алмақ болған ер адам 6,6 млн теңгесінен айырылған
Алматыда жүйіткіген көлік музей алдындағы арт-инсталляцияға соғылды
