Дүние
Мьянма билігі Қытай ұшағын кері қайтарды
Мьянма билігі жолаушылардың бірінен байқалған коронавирус күдігіне байланысты Гуанчжоудан келген ұшақты Қытайға кері қайтарды, деп хабарлады Irrawaddy журналының интернет нұсқасына сілтеме жасаған РИА Новости.
China Southern Airlines авиакомпаниясының ұшағы жұма күні таңертең Мьянманың ең үлкен қаласы - Янгон әуежайына ұшып келген. Жолаушылардың бірінен (Қытай азаматы) сырқат белгілері байқалған соң, науқас жолаушыны тексеру үшін Янгон мемлекеттік ауруханаларының біріне апарған, ал қалған жолаушыларға ұшақтан шығуға тыйым салынды», - делінген Irrawaddy журналы таратқан ақпаратта.
Бірнеше Мьянма азаматы ұшақтан шығарылып, 4 күндік карантинге жатқызылған. Содан кейін Мьянма билігі ұшақты ондағы қалған барлық жолаушылармен бірге Гуанчжоуға кері қайтаруға шешім қабылдапты.
Мьянмада коронавирусты анықтайтын мүмкіндік жоқ. Науқастың қан үлгілері көршілес Тайландқа жіберілгендіктен, нәтижесін кем дегенде бір апта күту керек делінген хабарламада.