Мұз бетінде қалған балықшылар құтқарылды
2023 жылғы 8 сәуірде Самар ауданындағы Бұқтырма су қоймасында, Ертіс өзенінде екі балықшы сөгіліпжағадан алысқа кеткен мұз бетінде қалып қойған. Төтенше жағдайға тап болған олар құтқарушылардан көмек сұрады.
Алматы, NEGE. Оқиға орнына келіп жеткен ТЖМ қызметкерлері 1966 және 1975 жылы туған екі адамды құтқарды. Құтқарушылар балықшылардың «қамалған» орнына резеңке қайықпен жетіп, ер адамдарға құтқару кеудешелерін кигізіп, жағаға аман-есен жеткізді.Оларға медициналық көмек қажет емес еді.
ШҚО ТЖД қазір мұз өте әлсіз, тәуекелге бармай, құтқарушылардың ұсынымдарына немқұрайлы карамауға кеңес береді.
«Көктем мезгілінде мұз аса қауіпті болады.Мұз кез-келген уақытта жарылып жағадан алыстап кетуі мүмкін, ал оның еру процесі мұздың беріктігін төмендетеді. Балықшылар ережелерді мұқият ұстануы керек", - деп ШҚО ТЖД Самар ауданы ТЖБ бастығы Әсет Сейілқұмаров атап өтті.
Қазір оқып жатыр
Абай облысында жүргізуші куәлігін алуға көмектескен лауазымды тұлғалар ұсталды
30 маусымда қос Палатаның бірлескен қорытынды отырысы өтеді
«Van Cleef алқасын, Dior сөмкесін пара ретінде алған»: Кореяның экс-бірінші ханымы тағы 7 жыл арқалады
Бейбіт Құсайынов: Қазақстанда екінші орын алсаң, «бірінші орын алдым» деп есептей беруге болады
