Мүсірепов театры әйел тағдыры туралы туынды сахналады
Таяуда Ғабит Мүсірепов атындағы Қазақ мемлекеттік академиялық балалар мен жасөспірімдер театрында «Йерма» атты жаңа қойылым көрермен назарына ұсынылды. Испан драматургі Федерико Гарсиа Лорканың «Йерма» пьесасы желісі бойынша сахналанған драма жанрындағы қойылым өзгелерден өзіндік бағытымен ерекшеленеді, деп жазды aikyn.kz.
Алматы, NEGE. Қойылым режиссері республикалық, халықаралық фестивальдардың үш дүркін Гран-при иегері – Дина Жұмабаева. Бұл – оның Ғабит Мүсірепов театрында сахналанып жатқан үшінші шығармасы. Пьесадағы басты кейіпкерлер Хуан мен Йерманың рөлін театрдың талантты актерлері Елдар Отарбаев пен Ақбота Рахат сомдады.
Қойылымның бір ерекше-лігі – трилогияның екінші бөлімінің театр сахнасында жарық көруі. Отбасындағы өзекті мәселені арқау еткен қойылым арқылы көкірегін қайғы басқан, сұлулығы мен дерті қатар жүрген нәзік жандылардың жан дүниесіне бойлауға болады. Онымен қоса, сыртқы факторлар әйел заты үшін қаншалықты әсер ететіні ашық көрініс табады. Шығармада Испания ауылдарының бірінде тұратын баласыз әйелдің өмірі баяндалады.
