Мұрағат істері және құжаттама комитеті төрағасының орынбасары 105 млн қаражат жымқырғаны үшін сотталды

Алматы, NEGE. «Қаражатты жымқыру «құжаттардың бірыңғай электрондық мұрағаты» ақпараттық жүйесін техникалық сүйемелдеуге бюджет ақшасын бөлу және аудару арқылы, компьютерлік технологиялар саласындағы терминологияны қолдана отырып, орындалған жұмыстарға қайта қосу арқылы жүзеге асырылғандығы анықталды. Бұл ретте, техникалық ерекшелікті бұрын мердігердің өзі әзірлеп, пайдалануға енгізді және кепілді техникалық сүйемелдеу бойынша міндеттемені қабылдады. Алайда, комитет басшылығы орындалған жұмыстарға бюджет қаражатын бөліп, оны орындалған жұмыстардың жалған актілері бойынша АЖ әзірлеушісіне қайта аударды. Ұрланған ақша қаражаты қылмыстық шығу тегін жасыру және заңды айналымға енгізу мақсатында сенімді тұлғаларға ресімделген қымбат жылжымалы және жылжымайтын мүлікті сатып алуға бағытталған», - делінген хабарламада. 

Сот үкімімен сотталушылардан келтірілген залал сомасын өндіріп, әрқайсысына 6,5 жылға бас бостандығынан айыру жазасы тағайындалды. Сонымен қатар, бұрынғы мемлекеттік қызметші мемлекеттік лауазымдарды атқару құқығынан өмір бойына және мемлекеттік наградалардан айырылды, ал мердігер компанияның басшысы 7 жыл мерзімге коммерциялық және коммерциялық емес ұйымдарда басшылық лауазымдарды атқару құқығынан айырылды.

Үкім заңды күшіне енген жоқ.