Мұнай бағасы көтеріле бастады
, деп хабарлайды inbusiness.kz.
Алматы, NEGE. Ресми дерек бойынша, Brent маркалы мұнайдың баррелі 0,05%-ға қымбаттап, 55,44 доллар болды.WTI фьючерстерінің бағасы 0,08%-ға өсіп, бір баррелі 52,31-ға саудаланып жатыр. Сарапшылардың айтуынша, Гонконгта локдаунның жариялануы және Франция билігінің осындай қадамға баруы мүмкін деген ақпарат нарыққа кері әсерін тигізіп, іскерлік белсенділікті шектеуі мүмкін. Құрама Штаттардағы мұнай қорының көлемі де қазір инвесторларды алаңдатып отыр. Бұл елде шикізат қорының көлемі 4,4 миллион баррельге артып, 486,6 миллион баррельге дейін жеткен. Еске сала кетсек, бұған дейін ОПЕК+ елдерінің кезекті отырысы ұйымдастырылған еді. Жиында өндіруші елдер үшін келісімнің шарттарын алдағы екі айда өзгеріссіз қалдыру туралы шешім қабылданды. Қазақстан мен Ресей ғана ақпан мен наурыз айларында өндірісті сәл де болса арттырады. Сауд Арабиясы мен бірқатар ел бір күнде өндірілетін мұнай көлемін тағы да қысқартады.
