Мұхтар Тайжан қарсыласы Бақытжан Базарбектің үстінен іс қозғалғанын мәлімдеді
Мәжіліс депутаттығына үміткер Мұхтар Тайжан өзінің қарсыласы, тағы бір кандидат, белгілі заңгер Бақытжан Базарбекке қатысты қылмыстық іс қозғалғанын жариялады.
Алматы, NEGE. "2023 жылдың 2 наурызында азамат Бақытжан Базарбекке қатысты азаматтардың жеке деректерін заңсыз алу және тарату фактісі бойынша қылмыстық іс қозғалды", - деп жазды Тайжан өзінің Facebook парақшасында. Ол сондай-ақ жазбасына дәлел ретінде құжаттардың көшірмелерін қоса жариялаған.
Айта кетейік, Базарбек мәжіліс депутаттығына өз кандидатурасын Алматыдағы №5 бір мандатты сайлау округі бойынша ұсынған.
