Мәдени
Мұхтар Әуезовтың 125 жылдығына орай Еңлік-Кебек кесенесі ашылды
Абай облысы әкімдігі баспасөз қызметінің мәліметіне сүйенсек, заңғар жазушы Мұхтар Әуезовтің мерейтойы туған жері Абай ауданында кең көлемде аталып өтілуде, деп жазады Қазақпарат.
Алматы, NEGE. Абай облысы әкімдігі баспасөз қызметінің мәліметіне сүйенсек, заңғар жазушы Мұхтар Әуезовтің мерейтойы туған жері Абай ауданында кең көлемде аталып өтілуде.
«Үш күнге жоспарланған мерекелік шаралар Семей-Бөрілі-Қарауыл бағытында кезең-кезеңімен өтуде. Мерейтой Мұхтар Әуезовтің әке-шешесі Омархан мен Нұржамалдың кесенесіне барып құран бағыштаудан басталды. Артынша кемеңгер жазушының туған жері Бөріліде бес жасар түйені құрбандыққа шалып, Әуезов рухына тағзым жасалды», - делінген ақпаратта.
Жазушының 125 жылдығын атап өту жөніндегі республикалық жоспарға сәйкес биыл 4 бағыт бойынша 82 іс-шара ұйымдастырылған.
«Абай ауданында іскер азаматтар мен жергілікті халықтың қолдауымен Кеңгірбай биге ескерткіш орнатылды. Сондай-ақ жаңартылған Еңлік-Кебек кесенесінің салтанатты ашылуы болды. Әуезовтің мерейтойы туған жерінде үш күн бойы тойланбақ. Шара барысында, қазақша күрес, аламан бәйге, жорға жарыс, футбол, гала концерт өткізу көзделуде», - делінген хабарламада.