Мұхтар Тілеуберді қайта сыртқы істер министрі атанды
Мемлекет басшысының жарлығымен Мұхтар Тілеуберді Қазақстан Республикасының сыртқы істер министрі болып тағайындалды, деп хабарлады Ақорда.
Астана, NEGE. Мұхтар Тілеуберді Сыртқы істер министрлігін 2019 жылғы қыркүйек пен 2023 жылғы сәуір аралығында басқарған.
Ол 1968 жылғы 30 маусымда дүниеге келген. С.М. Киров атындағы Қазақ мемлекеттік университетінің философия-экономика факультетін бітірген.
Дипломатиялық қызметін 1993 жылы атташе лауазымынан бастаған.
Әр жылдары сыртқы істер вице-министрі, Қазақстанның Малайзиядағы елшісі болды. 2005 жылдан бастап Индонезия Республикасы, Бруней Даруссалам және Филиппин Республикасындағы Елшісі қызметін қоса атқарды.
Сондай-ақ Қазақстанның Швейцария Конфедерациясындағы, Лихтенштейн княздігі мен Ватикан мемлекетіндегі елшісі болды.
Кейін Сыртқы істер министрі лауазымына тағайындалды. Қазақстанның Аустриядағы елшісі болып тағайындалғанға дейін 2021 жылғы қаңтардан бастап 2023 жылғы сәуір аралығында ҚР премьер-министрінің орынбасары – сыртқы істер министрі қызметін атқарды.
Төтенше және өкілетті елші дипломатиялық дәрежесіне ие. Ағылшын, корей тілдерін меңгерген.
Мұхтар Тілеуберді 2025 жылы қыркүйекте сыртқы істер министрі болып тағайындалған Ермек Көшербаевтың орнына келді.