Мүгедек жасөспірімге дер кезінде қызмет көрсетпеген әуе компаниясына айыппұл салынды
2024 жылдың 3 қарашасында Санкт-Петербург–Aстана рейсімен ұшып келген мүмкіндігі шектеулі кәмелетке толмаған жолаушыға әуе компаниясы тиісті қызмет көрсетпеген.
Алматы, NEGE. Ұзақ күткен жолаушының әкесі баланы ұшақтан өзі шығаруға мәжбүр болды.
Әуе компаниясының қызметкерлері мүгедек арбасының қажет екені туралы қате хабарлама берген, сол себепті уақтылы қызмет көрсетілмеген.
Прокуратура актісі бойынша әуе компаниясы тасымалдау ережелерін бұзғаны үшін әкімшілік жауапқа тартылды (Қазақстан Республикасының Әкімшілік құқық бұзушылықтар туралы кодексінің 571-бабының 1-бөлігі).
