Мүфтият ЛГБТ мәселесіне қатысты ресми пәтуа шығарды
Қазақстан мұсылмандары діни басқармасы елдегі ЛГБТ қозғалысына қатысты мәлімдеме жасады.
Алматы, NEGE. Қазақстанның бас мүфтиі Наурызбай қажы Тағанұлы бұл идеологияның ұлттық құндылықтар мен ата-баба дәстүріне қайшы екенін айтты.
"Бұл біздің ұлттық құндылығымызға, салт-дәстүрімізге, ата-баба жолына қайшы дүние. Батыстан келіп, біздің елімізде көрініс беріп жатқан арсыздыққа тосқауыл қоюымыз керек. Ата-баба дәстүрін сақтайтын азамат ретінде біз бұған қарсымыз. Өйткені, бұл арсыздық. Үлкен күнә. Бұның азабы өте үлкен", – деді бас мүфти.
Бас мүфтидің сөзінше, елімізде әйелдер құқығын қорғау және жыныстық зорлық-зомбылықпен күресу деген желеумен азғындықты насихаттап, отбасы институтына қауіп төндіретін топтар пайда болған.
"Шариғат тұрғысынан ЛГБТ-ның әрекеттері харам. Бұл адамның жаратылысына қайшы келетін арсыздық. Кімде-кім өз жаратылысына қарсы шығып, жынысын өзгертсе, Алланың лағынетіне ұшырайды. Ондай адам шын жүректен өкініп, емделуі керек. Тәубе етпесе, намаздан бас тартса, ол өте ауыр азапқа ұшырайды", – деді мүфти.
Қазір оқып жатыр
Каспийдегі оқу-жаттығудан кейін аман қалып, ауруханаға түскен сарбаздың жағдайы белгілі болды
Қаза болған әскери қызметшілердің отбасыларына көмек жинайтын бірыңғай қор белгіленді
Каспий теңізінде суға кеткен екі сарбаздың денесі табылды: қаза болғандар саны 14-ке жетті
Алматыда бұрын сотталғандар өзін полиция қызметкері ретінде таныстырып, 3 млн теңге бопсалаған
