Молдова президенті тікелей эфирде сөйлеп отырған кезде жер сілкінді (видео)
Молдова президенті Майя Санду орыс тілінде Moldova 1 телеарнасына тікелей эфирде сұхбат беріп отырған кезде жер сілкінді.
Алматы, NEGE. Жер сілкінісі кезінде президент Майя Санду мен тележүргізуші өздерін байыпты ұстаған.
«Бізде қызық жағдай болып жатыр, бұл бізде тікелей эфирдегі жер сілкінісі. Жақсы белгі деп үміттенемін», - деді тележүргізуші.
Бағдарлама жүргізушісі сұхбат бергені үшін президентке алғыс білдірді. Желі қолданушылары жер сілкінісі кезінде өзін сабырлы ұстаған президенттің әрекетіне жағымды пікірлер жазып жатыр.
Белгілі болғандай жер сілкінісінің эпицентрі Румынияда болған. Жер сілкінісі бір минуттан аз уақытқа созылды. Мамандар оның магнитудасын 5,3 балл деп бағалады.
