Мобильді аударым 255 мың теңгеден асса, салық органы тексеретін болады
Қазақстанда мобильді аударымдарға салық салу шарттары қайта қаралуы мүмкін. Бұл туралы депутаттық сауалға жауап берген премьер-министрдің орынбасары – ұлттық экономика министрі Нұрлан Байбазаров мәлімдеді.
Алматы, NEGE. Үш ай бойы 100 адамнан мобильді аударым қабылдап келгендердің, ақша аударымдары үш еселенген, ең төменгі жалақыдан асқан жағдайда ол адам тәуекел тізіміне енгізілуі мүмкін.
Министр бұл ұсыныс Үкіметте қаралып жатқанын жеткізді.
Осы орайда министр кәсіпкерлік кодекстің негізгі шартын еске салды. Оған сәйкес, бір жылдық табысы 12 ең төменгі жалақыдан асатын, яғни, шамамен 1 миллион теңгені құрайтын адамдар жеке кәсіпкер ретінде тіркелуге міндетті. Ресми мәліметке сәйкес, 2023 жылы бөлшек саудада қолма-қол ақшасыз төлемдердің үлесі 86 процентке жетті.
Халық QR-ды жиі пайдаланып жүр. Былтыр сәуір-қазан айларында QR төлемдердің көлемі 6,3 трлн теңгені құрады. Бұл - барлық операцияның 17 проценті.
Жалпы, соңғы үш жылдың ішінде Қазақстанда қолма-қол ақшасыз төлемдердің саны төрт есеге өсіп, 2023 жылы 11 айдың ішінде 127,4 трлн теңге болды.
Қазір оқып жатыр
Қазақстандық ғалым беделді халықаралық сыйлыққа ие болды
Temu мен Shein киімдері Еуропадағы қоқыс контейнерлерін толтырып жатыр
Ұлттық кітап күні Жетісуда челлендж, буккроссинг, саяхат сабағы, дефиле және басқа да заманауи форматта өтуде
Астанада мас күйде көлік жүргізген Бас прокуратура қызметкері қамауға алынбаған
