Министрлік Алматыда бірінші сынып оқушысы зорланды деген мектепті тексереді
Білім және ғылым министрлігінен жоғары лауазымды шенеуніктер Алматыға ұшып келеді. Олар жекеменшік мектепте зорланды деген бірінші сынып оқушысының оқиғасын зерттейді, деп хабарлайды Білім және ғылым министрлігінің Балалар құқығын қорғау комитеті.
Алматы, NEGE. Ведомство мәліметінше, мектепке комитет төрағасы Есенғазы Иманғалиев пен Білім және ғылым министрлігі басшысының балалар құқығы жөніндегі штаттан тыс кеңесшісі Раиса Шер барады.
"Бұл жағдайды ерекше бақылауда ұстаймыз. Бүгін профилактикалық іс-шараларды жүргізу үшін жеке ұйымға тексеріс тағайындаймыз. Оқушының отбасына барып, қажетті көмек көрсетеміз. Балаға психологиялық көмек те көрсетіледі.
Тергеу нәтижесіне қарай шаралар қабылданады. Сараптама нәтижесін күтеміз. Құқық қорғау органдарымен байланыста боламыз", - деді Иманғалиев.
Ведомство мәліметі бойынша, полиция тергеу жүргізіп жатыр. Сондай-ақ, зорлық-зомбылық әрекеті жасалғанын анықтау үшін сараптама тағайындалған.