Министр Шығыс Қазақстандағы жағдайды бақылауына алды
Денсаулық сақтау министрі А.Цой Шығыс Қазақстандағы эпидемиологиялық ахуалмен танысты.
Алматы, NEGE. ҚР Премьер-Министрі және Денсаулық сақтау министрі Алексей Цой бастаған үкіметтік делегация COVID-19 ауруымен аймақтағы жағдайды жіті зерттеу үшін Шығыс Қазақстан облысында болды, деп хабарлайды ведомствоның баспасөз қызметі..Облысқа 7 қарашада келген Үкіметтік делегация өңірдегі эпидемиологиялық ахуал бойынша кеңес өткізді. А.Цой 31 қазаннан бастап облыста вирус жұғу деңгейі күн сайын артып жатқанын еске салды. Өйткені, аймақта тәулігіне 200-ден астам жаңа жағдай анықталып отыр. 6 қарашада коронавирус инфекциясымен 250 науқас тіркелсе, 7 қарашада 253 адам вирус жұқтырған. Сонымен қатар, 20-дан астам адам індет жұқтырған 2 ірі ошақ анықталған.
«28 қазаннан бастап R репродуктивті саны 1,2-ден асады, бұл аурудың өсу жылдамдығының жоғарылағанын көрсетеді. Бұл апта сайынғы аурушаңдық деңгейінің өсуінен көрінеді. Жоғарыда көрсетілген индикаторлар ШҚО эпидемиологиялық жағдайды бағалау матрицасындағы «жасыл» аймақтан қазан айының басында «сары» аймаққа, содан кейін «қызыл» аймаққа көшуіне себеп болды «, - деді министр. Шығыс Қазақстан облысы ПТР тестілеу үшін 13 зертханалық лабораториямен қамтылған, тәуліктік сыйымдылығы 4 048 құрайды. «ПТР анализдерінің санын талдау және жаңа жағдайларды анықтау Шығыс Қазақстан облысында аптасына 12 000-15 000 құрайды. ПТР-сынақтары науқастар үлесінің күрт өсіп жатқанын көрсетеді», - деді А.Цой.