Министр: Шахтада қаза тапқан 46-адамның тек дене бөлшектері табылды
Шахтада қаза тапқан 46-адамның тек денесінің бөлшектері табылды, деп хабарлады ТЖМ министрі Сырым Шәріпханов.
Алматы, NEGE. «Бүгінгі күні іздестіру-құтқару жұмыстары барысында 45 кеншінің денесі және алдын-ала болжам бойынша 46-қаза тапқан адамның дене бөлшектері табылды. Қайтыс болған 40 адамның жеке басы анықталды, алтауы әлі белгісіз. Оларды сәйкестендіру үшін тиісті сараптама жүргізіледі. Іздеу жұмыстары электр энергиясының болмауымен, тау-кен қазбаларының ұзындығымен, көптеген бұзылған механизмдердің болуымен қиындады. Су басқан жекелеген тау-кен қазбаларында жұмыс жүргізу қиынға түсті», – деді министр.
Оның сөзінше, істі тергеу үшін шетелдік сарапшылар тағайындалған. Қылмыстық кодекстің 277-бабы бойынша қозғалды.
